تعرفى على بعض تكات المطبخ
نقدم لكى بعض النصائح والتكات فى المطبخ :
1 - لما تيجى تسوى المحشى اى نوع فلفل رومى وباذنجان او ورق عنب او كرنب بتحطى الشوربه وتسيبى مقدار عقله صوباع علشان ميطلعش معجن ويستوىكويس واول ما يتشرب انقليه على العين الصغيره ووطى عليه.
2 - قبل ما تسوى اى حاجه فى الفرن سخنيه الاول.
3 - الرز لما تيجى ما تعمليه عايريه بكوبايه علشان تعرفى تزوديه ميه او شوربه ولكل كوبايه رز كوبايه ميه بنفس الكوبايه.
4 - لما تعملى الملوخيه متغطيهاش علشان متسقطش منك يعنى تبقى واقعه تحت وتفصل عن الشوربه.
5 - لما تكونى بتسلقى لحمه او فراخ متحطيش الملح الا بعد ما تستوى علشان الملح بياخر السوى.
6 ـ علشان تدى طعم الفحم لكباب الحله او كفته مشويه فى الفرن او فراخ مشويه و حوواشى بتجيبى قطعه فحم صغيره وحطيها على النار وورقه فويل واعمليها زى الطبق وحطى فيها نص معلقه صغيره سمنه وحطيها فى وسط الحله اوالصينيه وحطى عليها الفحمه وغطى كويس ربع ساعه.
7 - وانتى بتسلقى الكرنب او القرنبيط حطى شويه كمون فى ميه السلق ونص ليمونه علشان الحله ما تسودش وكمان لو القرنبيط مش نظيف هينضف.