الموت فجأه - قصائد وأشعار منوعة
{ الموت فجأه }
فجأه……….
ومن غير مقدمات
حسيت ف قلبي بشويه ضربات
ونفسي راح مش عارفه ارتاح
جاي هبوط سكت الصوت
طلبو الاسعاف بدأت اخاف
جريت.. ايوه جريت استخبي
تحت اللحاف جسمي بيترعش
جالي جفاف
…. اغمي عليا مش عارفه ايه اللي بيا
فتحت عنيا بصيت حواليا
بصيت علي نفسي ع السرير
لئيت حواليا دكاتره كتير
….
روحي بتروح..!! ؟
خلاص هروح..!
…..
لاااااا ي بابا مش عايزه اروح
لااا ي ماما عايزه ماتسبنيش
بابا.. بابا عايزه اعيش
……
لاكترك بينفض ف جسمي
بنسي كل حاجه حواليا
حتي روحي حتي اسمي
دموع امي.. بكا ابويا
انا نفسي احضن اختي
انا سامعه صوت اخويا
………
انا هقوم واجري عليهم
ومن الموت هداري فيهم
ازاي هموت انا عايزه اعيش
ازاي هموت مابصليش
كنت ناسيه اخرتي
وعايشه بضحك ف دنيتي
نسيت حياتي حتي صلاتي
نسيت ربي اهو وقف قلبي
…….
لاااا يارب ماتخودنيش
لاا يارب انا عايزه اعيش
معملتش حاجه لأخرتي
كنت بفكر بس ف دنيتي
اصرخ اصرخ بصوت منبوح
سكت الصوت طلع الروح
ولأعذاري مش مسموح
لااااااااا يارب دا انا مدبوح
……….
فتحوا تربتي..!! ؟
انا رايحه خلاص علي اخرتي
*عملت ايه ف دنيتي اجري بيه علي جنتي
*عملت ايه ف دنيتي ف التراب يونس وحدتي
*عملت ايه ف دنيتي ينقذني من لهيب اخرتي
بابا هيمشي وماما هتروح
سبوني لوحدي ف تربتي
ف مكان ضالمه مش مفتوح
وناس بالتراب علي وشي بتزوح
……..
ضاق المكان واتأفل الباب
وبدأو الملاكين ف الحساب
وقف لساني عن الجواب
عارفه الاجابه ومش عارفة انطق
شوفت بعنيا العذاب
مشيييييوا وافلو عليا الباب
مشيوا وسبوني الاحباب
…….
خلاص سكت الصوت طلع الروح
ودخلت مكان خلاااص مسدود
امبارح ع التراب كنت موجود
والنهارده اهو تحت التراب
بيأكلني الدود