الكمادات بتكون ساقعه ولا سخنة ؟
وقعت على دماغك ؟ ودماغك هتورم وبتجري تجيب كمادات تحطها عليها طب مش تعرف الأول الكمادات دي هتبقا ساقعه ولا سخنة.
- ايه دا ؟!... هي تفرق ؟ 
طبعا تفرق .. ركز معايا كدا
لو انت لسه مخبوط في دماغك دلوقتي اهو ولسه معداش 24 ساعه عليها يبقا تعمل كمادات ساقعه .. قولي ليه
- ليه بقا !!
لأن الكمادات الساقعة هتضيق الأوعية الدموية فمش هتسرب الدم تحت الجلد فالخبطة مش هتورم انما لو عدا على الخبطة 24 ساعه يبقا تعمل عليها كمادات سخنة .. قولي ليه
- ممكن علشان خلاص ورمت فمش هتفرق بقا .. صح؟؟ 
لا طبعا غلط .. لأن الكمادات السخنة هتوسع الأوعية الدموية فالدم اللي اتكون تحت الجلد هيتصرف فيها بسرعه والورم يخف
عرفت بقا تفرق ولا لأ ؟